Borgartún 27, 105 Reykjavík, Iceland
+354 550-8900

Hvað þarf ég að gera?

Þrátt fyrir að Heimaleiga sjái um nánast allt sem tengist útleigu til ferðamanna þá þarf leigusali að sjá um ýmsa hluti. Mikilvægt er að vanda vel til verka með því að undirbúa allt vel þannig að gestirnir verði ánægðir með dvölina. Þannig er einnig hægt að stuðla að því að sem mestar tekjur fáist fyrir íbúðina.
Lyklar
Húsnæðiseigandinn sér um að láta Heimaleigu fá þrjú sett af lyklum. Eitt lyklasett fyrir ferðamenn, eitt fyrir þrifafólk og það þriðja fyrir skrifstofu Heimaleigu.
Mikilvægt er að afhenda Heimaleigu lyklana að minnsta kosti viku fyrir fyrstu leigu.
Lyklabox
Íbúðargestir þurfa að geta komist inn hvenær sem er, bæði dag og nótt, og því þarf að setja upp lyklabox. Í fjölbýlishúsum er algengast er að lyklaboxið sé sett upp við póstkassa. Hægt er að kaupa lyklabox í öllum helstu byggingarvöruverslunum eða með því að smella hér og nálgast á skrifstofu Heimaleigu.
Undirbúningur fyrir fyrsta gestinn
Heimaleiga sér um þrif eftir brottför allra gesta á þeirra vegum. Það er því á ábyrgð eiganda að gera íbúðina tilbúna fyrir fyrstu útleiguna. Þar með talið að búa um rúmin með rúmfötum frá Heimaleigu.
Myndataka
Mikilvægt er að fá fagmann í ljósmyndun til að myndirnar séu sem bestar fyrir sölurásir. Hægt er að fá lánuð rúmföt hjá Heimaleigu til þess myndirnar sýni betur hvernig íbúðin mun líta út þegar gesturinn kemur. Við mælum með Eignamyndir og Fasteignaljósmyndun sem eru bæði fagmannlegir og sanngjarnir.
Góðan daginn, hvernig getum við aðstoðað ?